Lífeyrissjóðir komu við sögu í langtímafjármögnunni

Bandaríska líftryggingafélagið John Hancock, Mutual Life Insurance Inc., tók að sér stærstan hluta langtímafjármögnunar Hvalfjarðarganga, þegar sjálfum framkvæmdatímanum lauk og mannvirkið var tekið í notkun. John Hancock keypti skuldabréf fyrir 2.600 milljónir króna en íslenskar fjármálastofnanir önnuðust langtímafjármögnun að öðru leyti, einkum lífeyrissjóðir. Landsbréf hf. sáu um skuldabréfasölu til 15 íslenskra lífeyrissjóða fyrir 1.800 milljónir króna. Bréf bandaríska fyrirtækisins eru á 1. veðrétti til 20 ára. Bréf íslensku lífeyrissjóðanna eru á 2. veðrétti.