Spölur - Hvalfjarðargöng

Samningar sem tókust um fjármögnun Hvalfjarðarganga voru einstæðir hérlendis á þeim tíma og þóttu raunar svo merkilegir að um þá var fjallað í erlendum fjármálatímaritum. Fjármagnið í upphafi var framkvæmdalán til þriggja ára upp á 64,6 milljónir bandaríkjadala (4,3 milljarða króna). Lánveitendur voru Skandinaviska Enskilda Banken, ING Barings og Landsbanki Íslands. Framkvæmdalánið var í fimm myntum og lánveitandinn hafði heimild til að breyta myntsamsetningunni í Evró, sameiginlega mynd Evrópusambandsins, á lánstímanum. Það ákvæði var nýlunda í alþjóðlegum lánasamningi af þessu tagi. Lántakandinn var Spölur ehf, sem byggði og rekur Hvalfjarðargöng.