Spölur - Hvalfjarðargöng

Svo mikil atgangur er í forvitnum vegfarendum nálægt gangamunnum í Hvalfirði að Fossvirkismenn ætla að setja upp "vegatálma", þ.e. bómu yfir veginn þannig þeir einir geti opnað sem eiga erindi inn á vinnusvæði verktakans. Sumir eru svo bjartsýnir að halda að þeir fái leyfi Fossvirkis til að "skjótast undir fjörðinn" á leið suður eða norður en það gengur auðvitað ekki. Óstaðfestar fregnir eru reyndar um að einhverjir hafi hreinlega reynt að keyra undir fjörðinn í heimildarleysi. Allt þetta hefur orðið til þess að Fossvirki bregður á það ráð að loka vegum beggja vegna ganga.

Linnulaus ásókn er í að skoða göngin, bæði frá einstaklingum og starfsmannahópum í fyrirtækjum og stofnunum. Verktakinn heimilar ekki slíkar skoðunarferðir enda er ljóst að ekkert yrði unnið ef starfsmenn þyrftu sífellt að sinna ferðafólki!