- Lokið var við að styrkja og sprautusteypa bergið um fyrri helgi og byrjað að setja vatnslekavörn innan í göngin (klæðing með dúk á grind næst berginu, þar utan á kemur einangrunarplast og loks sprautusteypa).
- Lokið er að steypa dæluþró í botni ganganna - sem er mikilvægur hluti öryggiskerfisins.
- Verið er að steypa fjórar spennistöðvar í göngunum.
- Undirbúningur er í fullum gangi fyrir raflagnir, endurvarp útvarpsstöðva og fleira í þeim dúr.
Lokið er við undirstöður vegskála við gangamunna að norðanverðu og verið að setja saman steypumótið til að hefja sjálfa steypuvinnuna. Vegskáli að norðan er mun styttri en að sunnan en hins vegar breiðari, enda verða þrjár akreinar upp úr göngunum að norðan en tvær að sunnan.
Þá má geta þess í lokin að "bankaverkfræðingarnir" voru í hefðbundinni heimsókn í Hvalfirði fyrir helgina. Þetta eru eftirlitsmenn á vegum fjármálastofnana sem lána til peninga til framkvæmdanna. Norska ráðgjafafyrirtækið Noteby AS. annast eftirlit fyrir hönd lánveitenda verktakans í göngunum, Fossvirkis sf. Breska ráðgjafafyrirtækið W.S. Atkins Ltd. annast eftirlit fyrir hönd þeirra sem fjármagna gangagerðina til lengri tíma.
