Gísli Einarsson, fréttamaður Sjónvarps á Vesturlandi, fékk árekstur flutningabíls og öryggisbita nánast á silfurfati þegar hann kom að Hvalfjarðargöngum í morgun til að fjalla um glannaskap flutningabílstjóra sem aka um með alltof háan farm. Gísli hafði fyrir nokkru boðað komu sína af þessu tilefni í dag en svo vildi til enn einn áreksturinn átti sér stað í gærkvöld og afleiðingarnar sáust glöggt á vettvangi. Þar voru starfsmenn GGT ehf., sem annast viðhald tækni- og öryggisbúnað Hvalfjarðarganga, að lagfæra skemmdir gærkvöldsins. Ein af stálstroffunum, sem heldur öryggisbitanum uppi, var slitin og stroffufestingin bogin. Þetta telst vel sloppið eins og meðfylgjandi myndir bera með sér. Þær sýna ónýta öryggisbita sem skipta þurfti um fyrr í vetur.
 |
| Ónýtur biti frá því í vetur. 200 tonna átak þarf til að kengbeygja hann! |
 |
| Gísli Einarsson talar við Marínó Tryggvason frá Speli fyrir Sjónvarpið. |
 |
| Annar ónýtur biti, rækilega undinn og sveigður. |
