Spölur - Hvalfjarðargöng

Hvalfjarðargöng verða lokuð næstu fjórar nætur vegna framkvæmda við að auka lýsingu yfir akbrautum beggja vegna fjarðar.

Göngin verða lokuð frá miðnætti til kl. 6 að morgni aðfararnætur þriðjudags 19., miðvikudags 20., fimmtudags 21. og föstudags 22. september.

Loftljósum verður fjölgað 250 metra inn í göngin frá hvorum munna. Við þetta tvöfaldast lýsingin og þar með verður minni munur á dagsbirtunni annars vegar og birtunni inni í göngunum hins vegar. Dæmi eru um að vegfarendur, einkum eldra fólk, hafi kallað eftir meiri lýsingu við munnana til að venjast fyrr birtubreytingunni þegar ekið er inn í göngin.

Stjórn Spalar fjallaði um málið á dögunum og ákvað að tvöfalda lýsinguna, vegfarendum til öryggis og þæginda. Framkvæmdir kalla hins vegar á að loka verði göngunum fjórar nætur í röð til að iðnaðarmenn geti athafnað sig eins og nauðsyn krefur.