Spölur - Hvalfjarðargöng

Alls fóru 196.000 bílar um Hvalfjarðargöng í júnímáuði eða 9% fleiri en í sama mánuði í fyrra. Umferðaraukningin er enn meiri þegar horft er til tímabilsins október 2005 til júní 2006 eða ríflega 14%.

Rekstrarár Spalar, sem á og rekur Hvalfjarðargöng, er frá októberbyrjun til septemberloka. Í nýju yfirliti fyrstu níu mánaða rekstarársins er staðfest að umferð í göngunum eykst enn verulega og útlit er fyrir að meðalumferðin nær því nú í fyrsta sinn að verða yfir 5.000 bílar á sólarhring. Sérstaka athygli vekur mikil umferðaraukning mánuðina nóvember-febrúar, á bilinu 21 til nær 28% miðað við sömu mánuði á fyrra ári!

Af sjálfu leiðir að tekjur Spalar af umferðinni eru umfram rekstraráætlun og þar af leiðandi mun félagið væntanlega greiða meira niður af skuldum sínum í lok rekstrarársins en ráð var fyrir gert. Sama gerðist reyndar á síðasta rekstrarári.