Umferð í Hvalfjarðargöngum var ríflega 17% meiri í nóvember en í sama mánuði í fyrra. Hafa ber í huga að umferð í nóvember 2006 var áberandi minni en aðra mánuði ársins, vegna slæms tíðarfars á suðvesturlandi, og það skýrir hluta af aukningunni sem fram kemur við samanburðinn
Umferð í göngunum jókst í öllum mánuðum ársins 2006 að nóvember undanskildum, þegar hún var örlítið minni en í nóvember 2005. Illviðri á suðvesturlandi í nóvember 2006 höfðu greinilega þau áhrif að fólk ferðaðist minna en áður. Þetta er nauðsynlegt að hafa í huga þegar horft er á yfir 17% fjölgun bíla í nóvember 2007 miðað við sama mánuð í fyrra.
Samanburðartölurnar fyrir októbermánuði 2006 og 2007 eru marktækari og ,,eðlilegri". Þar mældist 5% aukning í október 2007 miðað við sama mánuð í fyrra.
Undirsíður
