Lögregla stóð alls 265 ökumenn að hraðakstri í Hvalfjarðargöngum frá miðjum degi 28. febrúar til sama tíma 2. mars síðastliðinn. Mældir voru alls 4.629 bílar á suðurleið á tímabilinu og af þeim reyndust hvorki fleiri né færri en 5,7% vera á ólöglegum hraða!
Lögregla stóð alls 265 ökumenn að hraðakstri í Hvalfjarðargöngum frá miðjum degi 28. febrúar til sama tíma 2. mars síðastliðinn. Mældir voru alls 4.629 bílar á suðurleið á tímabilinu og af þeim reyndust hvorki fleiri né færri en 5,7% vera á ólöglegum hraða!
Af þeim brotlegu voru alls fimmtán bílar á yfir 90 km hraða og ökumenn þeirra mega búast við sekt upp á 30-40 þúsund krónur. Einn fór yfir hundraðið og verður rukkaður um 50 þúsund króna sekt en sá sem hraðast fór mældist á 114 km hraða og má búast við að fá 60 þúsund króna sekt.
