Spalarmenn efndu til nýárshreingerningar í Hvalfjarðargöngum í janúar, reyndar þeirri fyrstu sinnar tegundar frá því þau voru opnuð sumarið 1998. Ryk á vegöxlum (ræmum með fram akreinum) og í útskotum ganganna var sogað upp og flutt á brott.
Spalarmenn efndu til nýárshreingerningar í Hvalfjarðargöngum í janúar, reyndar þeirri fyrstu sinnar tegundar frá því þau voru opnuð sumarið 1998. Ryk á vegöxlum (ræmum með fram akreinum) og í útskotum ganganna var sogað upp og flutt á brott.
Starfsmenn Holræsahreinsunar ehf. önnuðust verkið. Þeir prófuðu tól sín og tæki í göngunum fyrir jól og tóku svo til við að ryksuga eftir áramót. Afraksturinn var í tonnum talinn, þ.e. rykið sem fjarlægt var og flutt út til urðunar.
Rykmengun í göngunum var þarna býsna áberandi áður, einkum að vetrarlagi þegar margir fóru um á nagladekkjum á álagstímum. Eftir hreingerninguna er hins vegar lítið ryk í loftinu og það er breyting sem bæði finnst og sést! Ráðgert er því að rygsuga göngin reglubundið í framtíðinni til að halda loftinu þar hreinu og tæru.
