Lögreglan mældi bíl á 118 km hraða í Hvalfjarðargöngum fyrr í þessari viku. Ökumaðurinn verður að öllum líkindum rukkaður um 60.000 krónur í sekt og fær að auki 3 refsipunkta í ökuferilsskrá sína. Sem betur fer heyrir slíkur brjálæðisakstur til undantekninga undir Hvalfirði en einn bjáni undir stýri er einum bjána of mikið, hvar og hvenær sem er.
Umferð var vöktuð með myndavél frá 25. til 28. ágúst og mældur hraði alls 3.015 bíla á leið suður Hvalfjarðargöng.
Þarna er 70 km hámarkshraði. Af þeim reyndust 56 ökumenn vera brotlegir eða 1,9%. Fimm óku á 90 km hraða eða meira og einn var sem sagt hirtur á 118 km hraða. Hámarkshraði í Hvalfjarðargöngum er 70 km.
