Hvalfjarðargöng eru nú opin allan sólarhringinn á nýjan leik að lokinni árlegri „vorhreingerningu“. Næturlokun í fyrri viku og framan af þessari viku var meðal annars notuð til að stórauka lýsingu í norðurhluta ganganna.
Loftljósum hefur verið fjölgað stórlega frá norðurmunna og niður í botn ganganna, spottakorn suður fyrir Guðlaug, þróna sem tekur við lekavatni inn í göngin. Breytingin er mikil og greinileg vegfarendum. Aukin lýsing er í senn til þæginda og í þágu aukins umferðaröryggis.
Undirsíður
