Breytingar urðu í stjórnum beggja Spalarfélaganna á aðalfundum þeirra nú og vel að merkja: tvö félög er til um Hvalfjarðargöng og heita bæði Spölur. Upprunalega félagið, stofnað á Akranesi í janúar 1991, varð að eignarhaldsfélagi í desember 1995 og hefur það hlutverk að eiga eina hlutabréfið í einkahlutafélaginu Speli sem þá var stofnað. Þetta var gert á sínum tíma til að auðvelda veðsetningu hlutafjár í Speli (eitt hlutafjárskírteini í stað margra).Spölur ehf. annast rekstur ganganna uns skuldir félagsins hafa verið greiddar upp samkvæmt samningi við samgönguráðuneytið fyrir hönd ríkisins.
Í nýkjörinni stjórn Eignarhaldsfélagsins Spalar sitja:
- Gunnar Gunnarsson, aðstoðarvegamálastjóri, formaður.
- Gísli Gíslason, hafnarstjóri Faxaflóahafna.
- Guðlaugur Hjörleifsson, verkfræðingur.
- Hafsteinn S. Hafsteinsson, lögfræðingur í fjármálaráðuneytinu.
- Einar Þorsteinsson, forstjóri Íslenska járnblendifélagsins.
Í nýkjörinni stjórn Spalar ehf. sitja:
- Gísli Gíslason, hafnarstjóri Faxaflóahafna, formaður.
- Gunnar Gunnarsson, aðstoðarvegamálastjóri.
- Hafsteinn S. Hafsteinsson, lögfræðingur í fjármálaráðuneytinu.
- Einar Þorsteinsson, forstjóri Íslenska járnblendifélagsins.
- Hlynur Sigurbjörnsson, varaoddviti í Hvalfjarðarsveit.
